| अङ्क ४० | साउन २०६६ | वर्ष ६ |
गजल
- विवश पोखरेल
घाइते अचेल जिन्दगानी भएको छ
रगत खोलाको पानी भएको छ।
हिंसामा कठोर ढुङ्गा भएपछि मुटु
पीडा सहने अनौठो बानी भएको छ।
डढेलो लागेको जङ्गल भएको छ देश
एकाएक सपना डढेर खरानी भएको छ।
भत्किएर सद्भाव - हराएर मानवता
एकादेशको अनौठो कहानी भएको छ।
सत्तालिप्तहरू भागबन्डामै व्यस्त छन्
देश आँसुले रुझेको सिरानी भएको छ।
-0-
शारदा, गजल विशेषाङ्क, २०६४ पुसबाट साभार
 | प्रतिक्रियाहरू |